បន្ទាប់ពីមានព័ត៌មានល្បីតៗគ្នា និងបង្កការភ្ញាក់ផ្អើលថា តា សក់ ស ភ្នំ ត្បែង ដែលមនុស្សជាច្រើនស្គាល់ថា ជាឥសី ឬអ្នកបួសសក់សនោះ បានរត់គេចខ្លួនពីដែនសមត្ថកិច្ច ស្រាប់តែពិធីករព័ត៌មានជើងចាស់ដ៏ល្បីឈ្មោះ និងជាអគ្គនាយករង ទូរទស្សន៍ហង្សមាស លោក មាស រិទ្ធី បានលើកឡើងនូវសារមួយឃ្លា ហាក់ចំអក ឬបដិសេធចំពោះការចោទប្រកាន់នោះ។
តាមរយៈការបង្ហោះនៅលើបណ្ដាញសង្គមហ្វេសប៊ុករបស់លោក លោក មាស រិទ្ធី បានភ្ជាប់រូបភាពជាច្រើន រួមទាំងរូបលោកផ្ទាល់ និងរូប តា សក់ ស ភ្នំ ត្បែង ផងដែរ ហើយបានសរសេរយ៉ាងខ្លី តែច្បាស់ៗថា៖ “តា សក់ ស ភ្នំ ត្បែង បំបាំងកាយ សោះ ចោទ ថា គាត់ ដាក់ មេ ប្រូច..”។ ជាមួយនឹងសារនេះ លោកក៏បានដាក់រូប Emoji សើច និងសញ្ញាបង្ហាញពីភាពអស់សំណើចផងដែរ។
ការលើកឡើងរបស់លោក មាស រិទ្ធី នេះ ទំនងជាសំដៅទៅលើព័ត៌មានចចាមអារ៉ាមដែលថាលោកតារូបនេះបានរត់គេចខ្លួន ដោយបង្កប់ន័យថា លោកតាគ្រាន់តែបាត់មុខ ឬលាក់ខ្លួនបណ្ដោះអាសន្នប៉ុណ្ណោះ មិនមែនជាការរត់គេចខ្លួនដែលមានការរៀបចំទុកជាមុន (ដាក់មេប្រូច) ដូចការចោទប្រកាន់នោះទេ។ ពាក្យមួយឃ្លារបស់លោក មាស រិទ្ធី នេះ ហាក់ធ្វើឲ្យអ្នកដែលបានល្បីតៗគ្នា ឬចោទប្រកាន់បែបនោះ គាំងយោបល់និយាយមិនចេញ។
យ៉ាងណា ព័ត៌មានផ្លូវការទាក់ទងនឹងវត្តមាន ឬការបាត់ខ្លួនរបស់ តា សក់ ស ភ្នំ ត្បែង នៅមិនទាន់មានការបញ្ជាក់បន្ថែមនៅឡើយទេ។
